Rugova in Motion!

Prej 21 deri me 27 Korrik, Anibar ka pasur punëtorinë e parë me stop motion(teknikë e animacionit) si pjesë e projektit të madh që po implementohet nga ai, projekt i quajtur Rugova në Lëvizje. Qëllimi i këtij projekti është të promovojë jetesën e qëndrueshme në Bjeshkët e Nemuna (Rugovë) përmes dokumentarëve të animuar. Një nga objektivat e kësaj nisme është një punëtorinë 6-ditor në Gurin e Kuq, Rugovë ku 20 pjesëmarrës do të kenë rastin e bërjes së animacioneve me ndalim lëvizjeje. Punëtorinë udhëhiqet nga një trajnere e shquar, Maria Kontogiorgou, e asistuar nga katër pjestarë të stafit të Anibar-it.

Maria Kontogiorgou është drejtoreshë arti/ilustratore/animatore për media ndër-platformë dhe eksperiencë me shumë kanale. Ajo thotë: ’Adhuroj të krijoj botëra, tregime dhe personazhe origjinale duke përkthyer vizualisht strategjinë krijuese të zhvillimit të produktit, udhëzues stili dhe zhvillim të produkteve, duke marrë pjesë në zhvillim të një marke të suksesshme dhe fituese të çmimeve.’

Për shekuj me rradhë, Rugova ka qenë një ekosistem në të cilin njerëzit dhe natyra kanë pasur një drejtpeshim mes tyre. Njerëzit (Rugovasit) gjithmonë kanë qenë shumë të respektueshëm ndaj natyrës dhe burimeve të saj; ata janë një shembull që paraqet se sa e qëndrueshme mund të jetë jetesa atje. Me stilin e tyre të jetesës, ata kanë vërtetuar se njerëzit mund të mbijetojnë me përdorim racional të burimeve natyrore. Rugova gjithmonë ka qenë një nga vendet më të mahnitshme për të jetuar. Ajo përmban një numër të madh burimesh, një biodiversitet të pasur dhe vende shumë të bukura. Të gjitha këto elementë e bëjnë Rugovën një vend të shkëlqyer për të jetuar. Të gjitha informacionet e mësipërme janë transmetuar tek pjesmarrësit tonë në mënyrë që ata të kenë një ide të përgjithshme të situatës në Rugovë, dhe të bazojnë filmat e tyre në të.

Në punëtori, pjesëmarrësit kanë filluar të gjithë procesin e krijimit të filmave duke filluar nga dorëshkrimet e deri tek animacioni dhe redaktimi. Punëtorina ka ndihmuar Anibar të afrohet me qëllimin e përgjithshëm të Rugova në Lëvizje për të promovuar Bjeshkët e Nemuna me anë të dokumentarëve të animuar.

Ky projekt u mbështet nga ERA group.