Elina Duni dhe Colin Vallon në Anio'muzika

Me vite të tëra, ne kemi dëshiruar të ndjekim shpirtërat tonë në mënyrë që të gjejmë paqe dhe vende në të cilat mund të pushojnë trupat tonë. Tani, të paktën mund ta gjejmë në Ani O'Muzika, një vend i pasur me performancat më të larta të muzikantëve kombëtar dhe ndërkombëtarë. Muzikantë të zhanreve të ndryshme performojnë në edicionin e tretë të Anibarit, dhe këtë vit muzikantët prezentojnë muzikën më të mirë nga religjione të ndryshme të botës. Një prej këtyre muzikantëve është diva e muzikës jazz, Elina Duni, e cila do të performojë në natën e parë të Festivalin Internacional të Animacionit, Anibar.

E lindur në Tiranë, Shqipëri, në vitin 1981, në kohën e regjimit komunist, në një familje artistësh, Elina Duni bën hapat e saja të para në skenë si këngëtare në moshën pesë vjeçare. Në vitin 1992, pas rënies së regjimit komunist, ajo arrin në Zvicër dhe vendoset në Gjenevë bashkë me nënën e saj. Mes viteve 2004 dhe 2008 ajo studion këndimin dhe kompozicionin në Hochuschule der Künste Bern, në departamentin e muzikës jazz. Gjatë kësaj kohe, ajo zhvillon Kuartetin Elina Duni me Colin Vallon në piano, Patrice Moret në bas të dyfishtë dhe Norbert Pfammatter në bateri - gjë e cila paraqet një rikthim tek burimet e saja muzikore, një kombinim mes këngëve popullore ballkanike dhe muzikës jazz. Në vitin 2008, CD Baresha, albumi i parë i Kuartetit Elina Duni, lëshohet në Meta Records dhe pason "Lume Lume" në vitin 2010. Të dy albumet marrin brohoritje të madhe nga shtypi zviceran, gjerman, austriak dhe francez, dhe pasohen nga turne dhe festivale europiane. Në vitin 2011, Elina Duni është mysafire në albumin "Melanchology" (Universal) të pianistit dhe kompozitorit francez André Manoukian.

Elina do të performojë në Anibar bashkë me pianistin e saj Colin Vallon.